Sa tuwing nararamdaman ko na naninikip ang dibdib ko, naaalala ko kayo. Ang panalangin ko, sana ay bigyan pa ako ng Panginoon ng mahabang buhay. Gusto ko pang makita ang aking mga apo.
Pero hindi natin alam kung ano ang kalooban ng Panginoon. Anuman ang mangyari, lagi niyong tatandaan na ang pinakamahalaga sa buhay ay ang relasyon niyo sa Panginoon. Makikilala niyo Siya sa pamamagitan ng pagbabasa at pag-aaral ng Biblia. At anuman ang inyong naunawaan sa pagbabasa ng Biblia, gawin niyo itong panalangin. Nais ng Panginoon na magkakasama tayo hindi lang dito sa lupa kundi maging sa langit.
